319z

അഹിംസയല്ല, ഹിംസയാണ് ബുദ്ധ തത്വശാസ്ത്രം

ലോകത്ത് നിലനില്‍ക്കുന്ന, എന്നാല്‍ തീര്‍ത്തും അപ്രത്യക്ഷമായ മതദര്‍ശനം എന്നാണ് ബുദ്ധമതത്തെ വിശേഷിപ്പിക്കാന്‍ സാധിക്കുക. വളരെ രഹസ്യവും, ഗോപ്യവുമായ വിധത്തിലാണ് അതിന്റെ ചിന്തകളും, വിശ്വാസങ്ങളും, ആചാരങ്ങളും സമൂഹത്തിലേക്ക് ഊര്‍ന്നിറങ്ങാറുള്ളത്.

യഥാര്‍ത്ഥ മുഖം മറച്ചുവെച്ച് ആകര്‍ഷകമായ വസ്ത്രം ധരിച്ച് ജനങ്ങള്‍ക്കിടയിലേക്ക് കടന്നുചെല്ലുകയെന്നതാണ് അതിന്റെ തന്ത്രം. പ്രാണനുള്ള ഒന്നിനെയും ഉപദ്രവിക്കാത്ത, മുള്ള് പോലും മുറിച്ച് കളയാത്ത ‘പാവങ്ങളാണ്’ തങ്ങളെന്ന് ലോകത്തിന് മുമ്പില്‍ സ്വയം അവതരിപ്പിക്കുകയാണ് അവര്‍ ചെയ്തത്. ബുദ്ധ മതാനുയായികള്‍ സമാധാന പ്രിയരാണെന്നും, അക്രമത്തെ വെറുക്കുന്നവരാണെന്നുമുള്ള പ്രചരണം കേണ്ട് ലോകം മൂക്കത്ത് വിരല്‍ വെച്ച് അല്‍ഭുതപ്പെടുകയുണ്ടായി. എന്നാല്‍ പാശ്ചാത്യ-പൗരസ്ത്യ ലോകത്ത് തങ്ങളെക്കുറിച്ച് ബുദ്ധമത സന്യാസിമാര്‍ പറഞ്ഞു പരത്തിയ ശുദ്ധ അസംബന്ധമാണ് ഇതെന്ന് അവരുടെ ചരിത്രം ലോകത്തോട് വിളിച്ച് പറയുന്നു.
‘ആയുധം വഹിക്കുന്ന സന്യാസിമാര്‍’ എന്ന തന്റെ ഗ്രന്ഥത്തില്‍ മൈക്കല്‍ ജെറിസണ്‍ ബുദ്ധന്മാരുടെ അക്രമത്തെയും പീഢനങ്ങളെയും കുറിച്ച് വിവരിക്കുന്നുണ്ട്. വ്യാജമായ തലവാചകങ്ങളും മുദ്രാവാക്യങ്ങളും മറയായി സ്വീകരിച്ച് ബുദ്ധന്മാര്‍ ലോകത്തെ വഞ്ചിക്കുകയാണ് ചെയ്തതെന്ന് അദ്ദേഹം വ്യക്തമാക്കുന്നു.
ബുദ്ധന്മാരുടെ വഞ്ചനാത്മകമായ നിലപാടിനെക്കുറിച്ച് ആദ്യമായി അദ്ദേഹത്തിന് വിവരം ലഭിക്കുന്നത് 2004-ലാണത്രെ. അതേതുടര്‍ന്നാണ് ബുദ്ധമതത്തെക്കുറിച്ച് അദ്ദേഹം പുനരാവര്‍ത്തി വായിക്കാന്‍ തുടങ്ങി. ബുദ്ധ ആചാരങ്ങളുടെ ചരിത്രപരമായ പാരമ്പര്യം ബലപ്രയോഗമാണെന്ന വീക്ഷണത്തില്‍ അദ്ദേഹം എത്തിച്ചേര്‍ന്നത്. ദലൈലാമയെപ്പോലുള്ള ലോകത്തെ അഭിസംബോധന ചെയ്യുന്ന ബുദ്ധ നേതാക്കള്‍ തങ്ങളുടെ മതവിശ്വാസത്തിന്റെ ഒരു ഭാഗം മാത്രം ലോകത്തിന് മുന്നില്‍ സമര്‍പിക്കുകയും, മറ്റൊരു ഭാഗം മറച്ചുവെക്കുകയുമാണ് ചെയ്തതെന്ന് അദ്ദേഹം വിശദീകരിക്കുന്നു. തങ്ങളുടെ മതത്തിനോട് വിയോജിപ്പ് പുലര്‍ത്തുന്നവരോടുള്ള ബുദ്ധന്മാരുടെ സമീപനവും, അവരെക്കുറിച്ച വീക്ഷണവും ഇപ്രകാരം മറച്ചുവെക്കപ്പെട്ടവയില്‍ പെടുന്നവയാണ്.
ജെറിസണ്‍ പറയുന്നു (ബുദ്ധ സന്യാസി മഠങ്ങള്‍ സൈനിക ക്യാമ്പിന്റെ ദൗത്യമാണ് നിര്‍വഹിക്കുന്നത്. അവിടത്തെ സന്യാസിമാര്‍ കലാപങ്ങള്‍ക്കാണ് നേതൃത്വം നല്‍കുന്നത്. രാഷ്ട്രനേതാക്കന്മാരിലൂടെ ബുദ്ധമതാടിസ്ഥാനങ്ങള്‍ പ്രയോഗവല്‍ക്കരിക്കുകയെന്നതാണ് അവരുടെ രീതി. ഇവര്‍ നടപ്പാക്കുന്ന ബലാല്‍ക്കാരങ്ങള്‍ക്ക് അവരുടെ വേദങ്ങളുടെ തന്നെ പിന്തുണയുണ്ട്).
ബുദ്ധയുടെ അവസാന നാളുകളെക്കുറിച്ച് വിവരിക്കുന്ന വേദമായ ‘നീര്‍വാണ സൂത്ര’യില്‍ പറയുന്നത് ഇപ്രകാരമാണ് ‘ഒരിക്കല്‍ ശ്രീബുദ്ധന്‍ ഒരു ബ്രഹ്മണ പുരോഹിതനെ വധിക്കുകയുണ്ടായി. വേദത്തെ ആക്ഷേപിച്ചു സംസാരിച്ചുവെന്നതായിരുന്നു അദ്ദേഹം ചെയ്ത പാപം. ശേഷം ബുദ്ധ ഇപ്രകാരം പറഞ്ഞുവത്രെ ‘ഈ പ്രവൃത്തിയുടെ പേരില്‍ ഞാന്‍ നരകത്തിലേക്ക് വീഴുകയില്ല. മഹായാനയുടെ പ്രമാണങ്ങള്‍ പ്രതിരോധിക്കുന്ന പക്ഷം എണ്ണമറ്റ മഹത്വം നമുക്ക് ലഭിക്കുകയാണ് ചെയ്യുക’.
ഇക്കാര്യത്തിന്റെ പേരില്‍ ആക്ഷേപിക്കപ്പെട്ടപ്പോള്‍ ശ്രീബുദ്ധ നല്‍കിയ മറുപടി ഇപ്രകാരമാണ് ‘ആ ബ്രഹ്മണന്‍ മരണത്തിന് ശേഷം നേരെ നരകത്തിലേക്കാണ് പോയത്. അദ്ദേഹത്തിന് അത് കൊണ്ട് മൂന്ന് നേട്ടങ്ങളുണ്ടായി. വേദത്തില്‍ വിശ്വസിക്കാതിരിക്കുകയും, അതിനെ ആക്ഷേപിക്കുകയും ചെയ്യുന്നവരുടെ ഗതി ഇപ്രകാരമായിരിക്കുമെന്ന് അദ്ദേഹത്തിന് മനസ്സിലായി. ബുദ്ധനാണ് അദ്ദേഹത്തെ വധിച്ചത് എന്നത് കൊണ്ട് തന്നെ അദ്ദേഹത്തിന് മറ്റൊരു ലോകത്ത് ജനിക്കാന്‍ സാധിച്ചു. അവിടെ പത്ത് യുഗങ്ങള്‍ ജീവിക്കാനും അദ്ദേഹത്തിന് സാധിച്ചു. ഇപ്രകാരം ആ മനുഷ്യന് ഞാന്‍ പത്ത് ജീവിതം നല്‍കുകയാണ് ചെയ്തത്. എന്നിരിക്കെ ഞാന്‍ അദ്ദേഹത്തെ വധിച്ചുവെന്ന് എങ്ങനെയാണ് പറയുക?’
ശത്രുക്കളെ വകവരുത്തുകയെന്നതാണ് ബുദ്ധന്മാരുടെ രീതി. തങ്ങളുടെ മതത്തില്‍ വിശ്വസിക്കാത്തവരെ വധിക്കുന്നത് അവരോടുള്ള കരുണയാണെന്ന് വിശ്വസിക്കുന്നവരാണ് അവര്‍. നരകത്തില്‍ പ്രവേശിച്ച് ശുദ്ധീകരിക്കപ്പെട്ട ശേഷം യഥാര്‍ത്ഥ ലോകത്ത് പുനര്‍ജനിക്കുന്നതിനുള്ള മാര്‍ഗമാണത്രെ അത്. അതിനാല്‍ പ്രസ്തുത കര്‍മത്തെ കൊലപാതകം എന്ന് പേര് വിളിക്കാന്‍ പറ്റില്ലെന്ന് അവര്‍ വാദിക്കുന്നു!!

About faisal bin ali al-kamili

Check Also

CC-Torah (1)

ജൂതന്മാര്‍ സാമ്പത്തിക നേതൃത്വം സ്വായത്തമാക്കിയ വിധം -2

അമേരിക്ക എങ്ങനെയാണ് ലോകത്തന്റെ ഭരണം ഏറ്റെടുത്തത് എന്ന് വ്യക്തമാക്കുന്ന വളരെ ലളിതമായ ഒരു മുഖവുര മാത്രമാണിത്. ലോകസാമ്പത്തിക വ്യവസ്ഥയെ സ്വര്‍ണത്തില്‍ …

Leave a Reply

Your email address will not be published. Required fields are marked *